Apple cider Vinegar(seb ka sirka) for weight loss/clear skin/shiny & smooth hair...

Aaj ka topic hai Apple cider vinegar(seb ka sirka) ka use skin care,hair care,make up aur weight loss ke liye kaise karte hain..Hum apple cider vinegar ko humari day to day life mein kaise use kar sakte hain woh mein aaj ki post mein bataane waali hu...

Apple cider vinegar(seb ka sirka) bohot hi acchhi chiz hai lekin aapko issko use karna aana chahiye.
To chaliye start karte hai apple cider vinegar ko use kaise karte hain.

 DIY tonner for clear skin:

Apple cide vinegar ka face tonner banaa ne ke liye sabse pehle ek empty(khali) spray bottle le aur uss spray bottle ko aadha (50%) rose water(gulaab jal) yaa fir normal water se bhar le aur fir baaki bachi hui aadhi bottle mein Apple cider vinegar ko bhar le.Aur fir spray bottle ko acchhe se shake(hilana) kar le taa ke apple cider vinegar aur paani yaa rose water acchhe se mix ho jaaye.Aur iss tonner ko face wash karne ke baad din mein 2 time apne face par spray karein.Aap ki skin ki saari problems door ho jaayegi aur aapko clear skin milegi.Aur yeh tonner specially oily skin aur acne prone skin ke liye kaafi faayd-e-mand hai.

Makeup brush cleaner:

Hum akshar humare makeup brushes ko normal paani aur soap se clean(saaf) kar lete hain. Iss se makeup brushes saaf to ho jaate hai magar sirf paani aur soap(saabun) se bacteria nahi jaate.Makeup brushes ko bacteria free karne ke liye half paani ke glass mein 2 table spoon apple cider vinegar aur 1/4 table spoon baking soda ko mix karein aur fir dirty(gande) makeup brushes ko uss glass mein rakh de aur 10-15 minutes ke maad makeup brushes ko uss glass mein se nikaal le aur usse tissue paper yaa napkin se clean kar le aur dry hone ke liye aise hi chhor de.isse aapke makeup brushes sirf clean hi nahi bacteria free bhi ho jaayenge.

Acne treatment/scars(daagh/dhabbe) removal:

Apple cider vinegar acne treatment aur scars removal ke liye bohot hi acchha ingredient hai.Acne aur scars ko treat karne ke liye 2 table spoon apple cider vinegar ko ek bowl mein le aur uss mein 2 table spoon paani ko le aur 3-4 drops tea tree essential oil ke daale aur fir isse acchhe se mix kar le aur iss mixture mein cotton pad ko dip kar ke apne pure face par aur neck par laga le.Body par jahan kahin bhi acne ya scrs hai uss par ye mixture aap apply kar sakte hain.iss mixture ko apply karne se pehle apne face ko acche se cleanser ya face wash se cleanse kar le uss ke baad hi yeh mixture face par apply karein.Agar aap ko body par yeh mixture ko use karna hai to aap shower lene ke baad hi apply karein.Apple cider vinegar skin par jo excess oil hota hai usse reduce(kam) karta hai aur acne ko prevent karta hai.Aur apple cider vinegar mein vitamin C hota hai jiski wajah se scars remove ho jaate hai aur humari skin dhire dhire repair hone lagti hai.

Weight Loss:

 Sabse pehle hume yeh dhyaan rakhna chahiye ki hum koi bhi company ka Apple cider vinegar khariden to uss ki bottle par 'With Mother of Vinegar' likha hua hona chahiye kyon ki isse prove hota hai ki apple cider vinegar 100% organic hai,Unfiltered aur raw hai.Unfiltered aur raw apple cider vinegar weight loss ke liye bohot hi acchha hota hai.Weight loss aur belly fat reduce(kam) karne ke liye daily morning mein breakfast karne se pehle ek glass mein normal paani ya garam paani(warm water) le aur uss mein 1 and half table spoon (dedh chammach) ya fir 1 table spoon Apple cider vinegar mix kar le aur iss drink ko pi le.Agar aap pehli baar aaple cider ka drink pi rahe ho aur aap ko uska taste nahi acchha lagta hai to aap iss drink mein thora sa honey(sehed) bhi mix kar sakte hain magar honey ko iss drink mein utne hi din tak mix karo jitne din mein aapko apple cider drink ka taste normal lagne lage yaa ni aap 2-4 din ya ek week tak honey ko apple cider vinegar ke drink mein mix kar sakte hain uske baad aap apple cider vinegar ko sirf paani ke saath hi piye taa ki isse aap ke weight loss ki process thori fast hoti hai.Aur iss baat ka khaas dhyaan rakhna hai yeh waala drink pi ne ke turant baad jogging aur koi bhi tarah ki exercise naa kare  kyonki Apple cider vinegar mein acetic acid hota hai isliye apple cider vingar ka drink pine ke baad jogging aur exercise karte hain to isse humare stomach(pet) mein burning hoti hai(jalan hoti hai).Aapko yeh wala apple cider vinegar ka drink daily morning mein pina hai.

Iss link se Apple cider vinegar kharid(buy) sakte ho:

Amazon &Nykaa