Perfume applying tips and tricks...

Perfume ko rakhna hai long lasting to yeh tips & tricks ko follow karein...

Hum sab ko Perfume lagana acchha lagta hai.Lekin perfume ko koi bhi sahi tarike se nahi lagata hai.Koi perfume ko apne kapro ke upar lagata hai to koi perfume ko bohot hi jyada quantity(matra) mein lagata hai.

Aaj ki post mein me aapko baatane waali hu kuchh aise tips & tricks ki jisko follow karke aapka perfume rahega long lasting.

           

Perfume ke fans to sab hai.Koi strong fragrance waala perfume lagana pasand karta hai to koi mild fragrance waala perfume lagana pasand karta hai.Fragrance ek aisi chiz hai jisse humari personality developed hoti hai.Acchi fragrance bohot hi jyada important hai jiss ki wajah se hum humari personality ko accha dikha sakte hai.Acchi fragrance(khushbu) humari hygine ko prove karti hai.

Ab hum iske tips aur tricks ke baare me jaante hain...

Tip-1:

Yeh bohot hi common mistake hai jo har koi karta hai.Kahi aise log hai jo ki kapron(clothes) par perfume lagaate hai.Yeh bohot hi common mistake hai jo ki sabhi log karte hai.Lekin hume kabhi bhi humare kapron par perfume nahi lagana chahiye kyon ki kapron par perfume lagane se jo fabric(clothes) hota hai woh kharab ho jata hai aur dusri baat ki kapron per perfume kuchh der baad nikal jata hai kapron par perfume long time tak nahi tikta.

Tip-2:

Ab rahi baat kapron par perfume naa lagaane ki to aap log soch rahe honge ki agar kapron par perfume naa lagaaye to fir kaha par lagana chahiye...To hume apni skin par perfume lagana chahiye.Skin par perfume lambe samay tak rehta hai.

Tip-3:

Chalo yeh baat to pata lag gayi ki hume apni skin par perfume lagana chahiye magar us me bhi condition hai ki hume apni body ke warm(garam) hisso(parts) par hi perfume ko lagana chahiye.Jaise ki kaan(ear) ke niche perfume ko lagana chahiye..Fir apne haath ki wrist(kalayi) par perfume lagana chahiye aur kalayi par perfume laga kar dono kalayion ko rub(ragarna) naa karein kyonki isse perfume ki khushbu(fragrance) chali jaati hai...Elbow(kohni) ke paas mein perfume lagana chahiye aur knees(gutno) ke pichhe perfume lagana chahiye.Yeh jitne bhi body parts me ne bataaye wo body ke warm parts hai(garam hisse hain) aur warm parts par perfume jyada samay tak rehta hai.

Tip-4:

Shower(nahaana) lene ke turant baad hi perfume lagana chahiye.Yeh sabse acchha tarika hai ki hum shower ke turant baad hi perfume ko lagaaye kyonki tab humari skin thori wet(gili) hoti hai aur perfume wet skin par jaldi se absorb ho jata hai aur lambe samay tak uski fragrance skin mein rehti hai aur us wajah se humari body mein se lambe samay tak acchhi smell aati hai aur fresh feel aati hai.

Tip-5:

Jiski oily skin hoti hai un logo ki skin par perfume lambe samay tak rehta hai magar jin logo ki dry skin hoti hai unki skin par perfume itna lambe samay tak nahi rehta.To isliye in logo ki dry skin hai woh pehle acche se apni skin ko moisturize kare aur uske baad mein perfume ko lagaaye isse aapke perfume ki fragrance lambe samay tak bani rahegi.Aur agar aap jis flavour ka perfume use kar rahe ho us hi flavour ka moisturizer use karte ho to yeh bohot hi acchhi baat hai magar aap ke paas same flavour yaa fir same brand ka moisturize aur perfume nahi hai to koi baat nahi aap koi sa bhi moisturizer use kar sakte ho ya fir aap Vaseline petrolium jelly ka bhi use kar sakte hain.

Tip-6:

Jaise ki meine bataya ki perfume humari personality ko develop karne mein help karta hai.Hum humari skin par to perfume lagate hain jisse humari body mein acchhi fragrance bani rehti hai.Lekin akshar humare baal(hair) summer mein bohot hi jyada sweaty (pasina) ho jaate hai aur fir humare baalon (hair) mein se ajeeb smell aati hai.To iss ke liye hume apne comb ya fir hair brush... hum jisse bhi apne baalon mein comb karte hai uss par perfume laga kar fir uss comb ya hair brush se apne hair mein comb karein.Iss se humare baalon(hair) mein se acchi fragrance to aayegi hi magar usse kyaa hota hai ki humne jo perfume apni body par lagaya hai wahi perfume apne hair mein lagaayenge to humaari personality uss hi fragrance ke mutaabik develop hogi aur fir hume koi bhi humari fragrance ke zariye bhi pehchan sakta hai.

Tip-7:

Perfume ko thori si hi quantity(matra) mein lagana chahiye.Kahi log aisa samajte hai ki agar jyada se jyada perfume lagaayenge to humari body mein se jyada acchhi fragrance aayegi aur humare perfume ki fragrance lambe samay tak rahegi.Leki aisa bilkul nahi hai hume thori si hi quantity mein perfume lagana chahiye magar sahi tarike se jo meine aage ke tips mein bataaya hai.Kya hota hai ki jyada perfume lagane se allergy ho jaati hai aur naak(nose) mein bhi irritation hota hai.

Tip-8:

Ab rahi baat ki hume kaisi frgrance waala perfume use karna chahiye..To kahi logo ko strong fragrance waale perfume se allaergy hoti hai to woh log mild fragrance waala perfume use karein.Aur Jin logo ko kisi bhi fragrance se koi bhi allargy nahi hoti hai woh log winter mein strong fragrance waala perfume use karein aur summer mein mild frgrance waala perfume use karein kyon ki winter mein thand ki wajah se skin par sweat(pasina) nahi hota hai to uss wajah se fragrance tiki rehti hai.Magar summer mein garmi ki wajah se skin par sweat(pasina) hota hai uss wajah se body odour maintain nahi rehta aur strong perfume ki fragrance sweaty skin mein mix ho jaati hai aur fir body mein se ajeeb si smell aati hai jo ki achhi baat nahi hai iss liye shardiyon mein strong fragrance wala perfume use kar sakte hain magar garmiyon mein mild fragrance wala hi perfume use karna chahiye.

Tip-9:

Most important baat ki hume perfume ki bottle ko kahi bhi koi bhi asis waisi jagah par nahi rakh dena chahiye kyonki uski fragrance nikal jaati hai.Iss liye hume humare closet ya fir cupboard mein room temperature mein hi rakhna chahiye iss se humara perfume kharab nahi hota hai.